Spansk språk og latinamerikastudium

I masterprogrammet spansk språk og latinamerikastudium kan du fordjupe deg i det spanske språket, i latinamerikansk litteratur, og studere nærare dei historiske prosessane som førte til dei enorme skilnadane vi ser mellom fattig og rik i Latin-Amerika i dag.

Spansk er morsmål for nærare 500 millionar menneske. Det er det andre mest brukte talespråket i verda, og det tredje mest brukte språket på internett. Noreg har sterke band til Latin-Amerika og mange interesser i området gjennom investeringar, menneskerettsarbeid og arbeid for demokratiseringsprosessar. 

Viktige spørsmål vi drøftar er:  

• Korleis kan historiske prosessar forklare dei enorme skilnadane mellom fattig og rik i Latin-Amerika i dag?  
• På kva måte representerer litteraturen ei samansmelting av det rike mangfaldet av kulturar og folkegrupper på kontinentet?  
• Korleis utviklar det spanske språket seg i ei stadig meir globalisert verd? 

Med mastergrad i spansk språk og latinamerikastudium kan du få jobbar i både privat og offentleg sektor.